Hópar í Strætó

Strætó mælist til þess að hópar ferðist á tímabilinu 9:00 - 15:30 (á virkum dögum). Sá tími er utan annatíma og því meiri líkur á nægu plássi. Aldrei er hægt að tryggja hópnum pláss fyrirfram, stundum eru margir hópar að ferðast á sama tíma og gæti þá hluti hóps þurft að taka sér far með næsta vagni.

Ef hópastærð fer yfir 20 manns og margir farþegar í vagninum mælist Strætó til að hópnum sé tví- eða þrískipt. Ekki er hægt að taka fleiri en tvo hópa í hverri ferð.

Sérstakir skilmálar gilda fyrir hópa sem ferðast með grunnskólakort, leikskólakort og ÍTR/ÍTK kort. Þeim sem nota þau kort ber að fara eftir skilmálum þeirra.

Grunnskólakort:

• Leyfilegur notkunartími er virka daga kl. 9:00 - 15:30.

• Leyfilegir notendur eru kennarar ásamt hópi nemenda. Lágmarksfjöldi nemenda eru 3 nemendur fyrir hvern kennara. 

• Einstaklingar mega EKKI nota kortið.

• Ef fjöldi nemenda fer yfir 28 verður að tvískipta hópnum.

• Aðeins einn hópur er leyfilegur í hverri brottför.

• Kortið gildir á öllum leiðum innan höfuðborgarsvæðisins.

• Grunnskólakort veita ekki rétt til skiptimiða.

• Misnotkun varðar sviptingu kortsins. 

Leikskólakort:

• Hvert leikskólakort gildir fyrir 1- 4 starfsmenn.

• Einstaklingar mega EKKI nota kortið.

• Hverjum starfsmanni eiga að fylgja að lágmarki 3 börn.

• Leyfilegur notkunartími er virka daga kl. 9:00 - 15:30.

• Leikskólakortin gilda aðeins á gjaldsvæði 1, þ.e. höfuðborgarsvæðinu.

• Leikskólakortin veita ekki rétt til skiptimiða.

• Misnotkun varðar sviptingu kortsins.

• Ekkert hámark er varðandi fjölda í leikskólahóp

Frístundakort:

• Kortin gilda fyrir hópstjóra ásamt flokki ungmenna.

• Einstaklingar mega EKKI nota kortið.

• Lágmarksfjöldi í flokk eru 3 ungmenni.

• Ef hópur fer yfir 20 manns gæti þurft að tví- eða þrískipta hópnum (fer eftir aðstæðum hverju sinni, fjölda í vagni, o.þ.h. )

• Kortin gilda eingöngu á gjaldsvæði 1.

• Kortin veita ekki rétt til skiptimiða.

• Misnotkun varðar sviptingu kortsins.